Өстәл теннисы

Башка спорт төрләреннән аермалы буларак, өстәл теннисында балалар өчен каршылыклар юк. Күз күреме, сулыш алу, иммунитет яки терәк-хәрәкәт аппараты буенча каршылыклар булган очракта өстәл теннисы бик тә файдалы.

Өстәл теннисы буенча даими дәресләр:

-Күз күремен яхшырталар. Тиз хәрәкәтләнә торган әйбер артыннан күзәтү күзләр өчен яхшы күнегү.

-Реакцияне үстерәләр. Тиз реакция – өстәл теннисында гына түгел, башка спорт төрендә, шулай ук көндәлек тормышта да кирәкле сыйфат.

-Сәламәтлекне ныгыталар. Өстәл теннисы иммунитетны күтәрә, сулыш системасын һәм терәк-хәрәкәт аппараты эшчәнлеген яхшырта, мускулларны тонуска китерә, стресстан арынырга булыша.

-Акылны үстерәләр. Корея галимнәре тикшеренүләре буенча, өстәл теннисы уенчыларының 90%ы акылның югары дәрәҗәсенә ия. Бу спорт төре көч һәм чыдамлыкны гына түгел, баш мие эшчәнлеген дә яхшырта.

-Холык һәм шәхесне формалаштыралар. Өстәл теннисы кечкенә спортчыда үҗәтлек, хезмәт сөючәнлек, максатчанлык, тәвәкәллек һәм җиңелүне кабул итә белү кебек мөһим сыйфатлар тәрбияли.

-Язуны яхшырталар. Беренче карашка өстәл теннисы һәм язу арасында бернинди элемтә дә юк сыман. Чынлыкта исә, өстәл теннисы кул мускулларын ныгыта һәм вак моториканы үстерә, шуңа баланың язуы яхшыра.