Урицкий ис. паркта «Алма спасы» фестивале

Православие бәйрәмнәре илебез тарихында зур роль уйнаган славян мәдәниятенең аерым бер өлеше булып торалар.
Аларның берсе – Алма спасы, ул 19 августка туры килә. Көнчыгыш славяннарда бу көннән алма ашарга була дип санала, бу көнне яңа уңыш җимешләре чиркәүдә изгеләндерелә. Халык ышануы буенча, бу көннән табигать көзгә әзерләнә башлый.
«Московский» Мәдәни үзәге инициативасы белән бу көнне Урицкий исемендәге парк борынгы славян халык күңел ачу үзенчәлекләрен алачак. Фестиваль 11:00 сәгатьтә һөнәрчеләр ярминкәсе белән ачылачак, анда автор текстиль курчаклары һәм бөтиләре, кулдан ясалган агач һәм күн эшләнмәләре генә сатып алырга түгел, ә балчыктан сувенирлар ясау, күн беләзек ясау, челтәр үрү һәм башкалар буенча мастер-классларда катнашып, арт-объект авторы булырга мөмкин.
Фестивальнең концерт программасы 12:00 сәгатьтә башлана. Казанның һәм Татарстан Республикасының иң яхшы фольклор коллективлары халыкны үзләренең иҗатлары белән сөендерергә Урицкий исемендәге паркта җыелачаклар.
Паркка килүчеләрне борынгы халык уеннары һәм күңел ачулары, әйлән-бәйләннәр, авыл көнкүреше почмагына охшатып ясалган фотозона һәм бик күп уңай хис-кичерешләр көтә!

Сезне 19 августта «Алма спасы» XI славян мәдәнияте фестивалендә көтәбез!