Тимур Һадиевның «Югалган элемтәләр» күргәзмәсе «Заманча сәнгать өлкәсендә ел вакыйгасы»на номинацияләнгән

Казанда һәм Татарстан шәһәрләрендәге тормыш турындагы «Инде» интернет-журналы традицион рәвештә «Ел йомгаклары» ясый. Бүген басманың сайтында йомгаклау тавыш бирүе башланды, анда теләгән һәркем «Ел башлангычы», «Ел спектакле», «Ел фестивале» һәм 2021 елның башка әһәмиятле вакыйгалары, иҗади проектлары өчен тавыш бирә ала. Номинантлар өчен 8 декабрьнең 23:59 ка кадәр тавыш бирергә мөмкин. Җиңүчеләр 16 декабрьдә игълан ителәчәк.

 9 ноябрьдән 9 декабрьгә кадәр «Московский» Мәдәни үзәгендә уза торган фотограф Тимур Һадиевның беренче шәхси күргәзмәсе «Заманча сәнгать өлкәсендә ел вакыйгасы»на номинацияләнгән.

 «Югалган элемтәләр» күргәзмәсе фотограф Тимур Һадиев иҗатының үзенчәлекле конспекты булып тора. Аңа автор өчен төп ике жанрда әһәмиятле эшләр — портрет һәм пейзаж, ә ул төшергән төп объектлар — шәһәр һәм шәһәрдәге кешеләр керә. Автор шәһәрнең социаль һәм физик үзгәрешләренә игътибар итә: ул балачакта әтисе (фотограф Наил Һадиев) белән йөргәндә иске Казан инде юкка чыгуын сизгәнен искә төшерә. Әмма, үзенең фотографик тәҗрибәсен, әтисе артыннан төшерә башлагач, 2009 елдан анализлый башлагач, Тимур Һадиев үзен үзеннән-үзе юкка чыгу түгел, ә вакытның ничек матур узуы кызыксындыра икәнен аңлый. Аның эшләре – иске шәһәр турында гына түгел, ә инде юкка чыкканнар турында да.

Фотограф Тимур Һадиев (1985нче елгы) Казанда яши һәм эшли. Цианотипия тибындагы иске альтернатив техникалар, шулай ук заманча альтернатив ысуллар — аналоглы фотобасма, аерым алганда, лит-басма белән шөгыльләнә. Аның эшләре Санкт-Петербургтагы Рус музее коллекциясендә, Мәскәүдәге һәм Казандагы шәхси коллекцияләрдә саклана. Соңгы күргәзмәләре: «Мергасовский. Flashback» (ТР ССДМ ЗСГ) Казан, 2019; «Заманча фотографиянең V Фотобиенналесы» (Рус музее) Санкт-Петербург, 2019; «Мәскәү — Казан — Мәскәү» («Хан манарасы» галереясы) «Россия. Research» Department of Research Arts проекты кысаларында, Мәскәү, 2018.