«Син булдыра аласың!» күргәзмәсе ачылышы

14 сентябрьдә рәссам Лина Гарипова һәм аның шәкертләренең «Син булдыра аласың!» картиналар күргәзмәсе ачылышы булып узды.

Барлык картиналар да Лина Гарипованың Иҗади остаханәсендә (Шмидт ур., 35а) язылган. Аларны кыюлык, үз-үзләренә һәм укытучыга ышаныч, көндәлек тормыштан китәргә, нинди дә булса яңаны сынап карарга, ял итәргә, игътибарны читкә юнәлтергә, стрессны киметергә омтылу берләштерә... Картиналар өстендә эшләгәндә һәркем эмоцияләрне белдерергә һәм татып карарга, фикерләү һәм үзгәрешләргә яраклашу сәләтен үстерергә өйрәнгәннәр. Картина авторлары үз-үзләрендә ышанычны арттырганнар. Алар алдында бөтен дөнья ачык.

Күргәзмәдә гади, сәнгать белеме булмаган төрле яшьтәге, төрле һөнәр иясе һәм мавыгулары булган ир-атлар, хатын-кызлар һәм балалар; сәламәтлеге чикләнгән балалар эшләре тәкъдим ителә.

Картиналар экспозициясе 2 октябрьгә кадәр узачак. Күргәзмәнең эш сәгатьләре: 10:00дән 17:00гә кадәр.

Лина Гарипова Остаханәсе белән элемтә: +79033414272