«Күренмәү» күргәзмәсе ачылышы

Роман Жучковның «Күренмәү» күргәзмәсе ачылышыннан фотосурәтләр белән уртаклашабыз. Күргәзмә 11 апрельдә ачылды.

Бу күргәзмәне без Космонавтика көненә багышладык. «Күренмәү» 28 фотосурәттән тора, аларның бер өлеше «fish-eye» («балык күзе») тибындагы үтә киң почмаклы объектив ярдәмендә башкарылган.

Күргәзмә авторы – Роман Жучков, физика-математика фәннәре кандидаты, Казан федераль университетының (КФУ) астрономия һәм космик геодезия кафедрасы доценты, фотограф.

Исегезгә төшерәбез, күргәзмәгә май ахырына кадәр килергә мөмкин. Күргәзмәнең эш режимы: дүшәмбе-якшәмбе 10:00дән 17:00гә кадәр.

Керү ирекле
Яшь чикләве: 0+